Foto: https://rezonans.kz

Euroodaqtıñ sırtqı ister vedomstvosı Qazaqstanda ötetin kezekten tıs saylauğa öz pikirin bildirdi.

Odaqtıñ baspasöz qızmeti jariyalağan mälimdemede Qazaqstan Konstituciyasına jäne eldiñ halıqaralıq talaptar wstanımına say senimge ie bolatın jäne bükil halıqtı qamtitın prezidenttik saylau ötetinine ümit artamız delingen. Euroodaq pen Qazaqstan arasındağı qatınastar ortaq qwndılıqtar, adamnıñ negizgi qwqıqtarın saqtau, demokratiyalıq principterdi qadirleu, zañnıñ qwrmetteu men memlekettik basqaru sapasına negizdelgeni jaylı aytılğan. Bwl principter «Euroodaq pen Qazaqstan arasındağı keñeytilgen seriktestik jönindegi kelisimde» bekitilgen

Osığan deyin EO sırtqı sayasat qızmetiniñ resmi ökili Mayya Kos'yançiç Odaq atınan Nwrswltan Nazarbaevtıñ Qazaqstan prezidenti ökilettigin toqtatu turalı şeşimine qatıstı pikir bildirip, aldağı prezidenttik saylau ädil ötui tiis degen.

Ayta keteyik, Qazaqstan Ortalıq Aziya elderiniñ işinde EO-men keñeytilgen seriktestik jäne ıntımaqtastıq turalı kelisimge eñ birinşi qol qoyğan bolatın.

"The Qazaq Times"