Фото: https://gdb.rferl.org

Еуропалық Одақ Назарбаевтың отставкаға кетуіне қатысты пікір білдірді.

ЕО сыртқы саясат қызметінің ресми өкілі Майя Косьянчич Одақ атынан Нұрсұлтан Назарбаевтың Қазақстан президенті өкілеттігін тоқтату туралы шешіміне қатысты: «Президент Нұрсұлтан Назарбаевтың отставкасы жайында білдік. Ол Қазақстанның президенті болған 30 жылға жуық уақыттың ішінде конституциялық реформаларды қоса алғанда жаңғыру реформаларын ілгерілетті. Президент Назарбаев бейбітшілік, тұрақтылық пен қауіпсіздікке жәрдемдесуге айрықша мән бере отырып, өңірлік, сонымен қатар жаһандық деңгейдегі ынтымақтастықты дамытуда жоғары басымдық иеленді», – деді. Сондай-ақ, ресми өкіл Қазақстан Еуропалық Одақ үшін маңызды рөлге ие мемлекет екендігін және Одақ Қазақстанның ең бірінші сауда серіктесі әрі инвесторы болып саналатындығын атап өтті.

Айта кетейік, Қазақстан Орталық Азия елдерінің ішінде ЕО-мен кеңейтілген серіктестік және ынтымақтастық туралы келісімге ең бірінші қол қойған болатын.

"The Qazaq Times"