AQŞ pen Oñtüstik Koreya äskeri jattığudı toqtatpaq

AQŞ pen Oñtüstik Koreya birlesken äskeri jattığulardı toqtatadı.

AQŞ Qorğanıs ministrliginiñ mälimdeuinşe, äskeri jattığular eki eldiñ kelisimine say toqtatıladı. Bwl qadam arqılı resmi Uaşington men Seul Korey tübegindegi qaqtığıstardıñ aldın almaq.

Qwrama Ştat pen Oñtüstik Koreya birlesken äskeri jattığulardı jılına eki ret Korey tübeginde ötkizip kelgen. Tübekte şielenisterdiñ artuına baylanıstı, Phen'yan tarapı birneşe ret narazılıq bildirgen bolatın. Sebebi, Korey tübeginde äskeri jattığu ötkizetin elder arasında kelispeuşilikter jii orın alğandıqtan, qos Koreya soğıs rejimine ötui mümkin degen küdik wyaladı. Biraq, Oñtüstik Koreya prezidenti Mün Ja-In jergilikti arnalarğa swhbat berip: «Oñtüstik Koreyanıñ bir niet, bir tilekte küş jwmıldıru wstanımı, Korey tübegi dağdarısınıñ soğısqa wlaspauınıñ negizgi kepili. Biz soğıs tudırmauğa tırısamız. Eger tağı bir märte soğıs tuatın bolsa barlığı külge aynaladı. Korey tübeginiñ äskeri is-qimılına tek Oñtüstik Koreya şeşim qabılday aladı. Eger Oñtüstik Koreya kelispese, basqa eşbir tarap Korey tübeginde soğıs bastamaydı», – dep kesimdi jauap qaytarğan.

Bügingi künge deyin aymaqtağı elder ğana emes, älem elderi de Korey tübeginde tuuı mümkin yadrolıq soğısqa alañdap kelgen bolatın. Degenmen, qazirgi är taraptıñ qadamdarı bwl qauiptiñ auılın birşama alıstattı. Oñtüstik Koreya basşısı koreylerdiñ tağdırına qauip tudıratın qadamğa barmaytının atap ötti.

"The Qazaq Times"