foto: aa.com.tr

Jeksenbi küni Katar astanasında AQŞ-tıñ bas hatşısı Mayk Pompeo men Katardıñ Sırtqı ister ministri Mwhammed ben Abdurraz äl Tani amerikalıq äue bazaların köbeytu turalı kelisimge qol qoydı.

«AQŞ pen Katar arasındağı baylanıstıñ irgetası nıqtap qalanıp keledi. Bizdiñ memleketter strategiyalıq qatınasqa sapalı qadam jasadı», dep mälimdegen Katar Sırtqı ister ministri mwnıñ oñ bastama ekendigin alğa tartıp otır.

Qazirgi tañda AQŞ-tıñ Katardağı äskeri küşter bazası Süriya, Irak jäne Auğanstan işinde jürgen 10 mıñğa juıq amerikalıq sarbazdardı barlau jäne ortalıq basqaru orını bolıp tabıladı.

Bwdan biraz uaqıt bwrın Katar biligi äl-Udeydti AQŞ-tıñ twraqtı äskeri bazası retinde tizime engizudi josparlap otırğandığın mälimdegen bolatın.

Esteriñizge sala keteyik, AQŞ äskerileri köptep şoğırlanğan aymaqtardıñ barlığı swrapıl soğıs pen ekonomikalıq dağdarısqa wşırap jatqandığı belgili. Bwl sözimizge wzaq uaqıttan beri tınıştıqtı añsağan Auğanstan men Irak elderiniñ jağdayı dälel. Sonımen qatar, 2012 jıldan bastap AQŞ äskeri kirgen Süriya memleketi de süreñsiz jağdaylarğa tap boldı. Endi, ekonomikası damıp kele jatqan Katar memleketine baylanıstı AQŞ-tıñ josparı qanday ekendigi äzirge belgisiz. Alayda, qaru-jaraq saudasımen aynalısıp kele jatqan Amerikalıqtardıñ bwl orında da bülik şığarmauına eşkim kepildik bermeydi.

"The Qazaq Times"