foto: cat-779.livejournal.com

Auğanstannıñ soltüstik-şığısında ornalasqan Badahşan aymağındağı altın öndiretin Qohıstan şahtasında apttı jağday orın alıp, 31 adam qaza taptı. Bwdan bölek tağı da 15 adam türi dene jaraqatın alğan.

Jergilikti BAQ ökilderiniñ habarlauı boyınşa, apat 6 qañtar küni sağat tañğı 11 şamasında qızmetkerler altın öndirip jatqan uaqıtta bolğan.

Auğanstan prezident äkimşiliginiñ mälimeti boyınşa, atalğan aymaqqa qwtqaruşılar jiberilip, oqiğa orınında tergeu jwmıstarı bastalğan.

Badahşan aumağı qwndı metaldarğa bay bolğanımen, Auğanstan biligindegilerdiñ öndiruge qauqarsızdığınan eñ kedey öñirlerdiñ biri sanaladı. Jergilikti twrğındardıñ sözinşe, köptegen altın öndiru orındarın äskeri toptar basıp alıp öz ielikterine alğan. Bwdan bölek, jergilikti basşılar da zañsız jolmen qwndı metaldardı öndirip, öz paydasına qaldıradı eken.

"The Qazaq Times"