Dini senim bostandığın şektegen elder tizimindegi Päkistan AQŞ sankciyasına ilinbey qaldı

Amerika Qwrama Ştattarı Päkistannıñ dini nanım-senim bostandığın şekteu äreketterine qarata sankciya salmaytın boldı. Bwl turalı AQŞ-tıñ Islamabadtağı elşiligi arnayı mälimdeme jasadı.

Osığan deyin, Päkistan biligine Qwrama Ştat jağınan "dini senim bostandığına erik bermedi" jäne öñirdegi terrorlıq toptardı qarjılandırdı degen ayıptar tağılğan bolatın.  Bir kün bwrın AQŞ-tıñ Päkistandağı elşiligi jasağan mälimdemede, Uaşington biligi Päkistandı «dini bostandıq şekteuge Nanım-senim bostandığın şektegen elder" tizimine qosqanımen, Islamabadqa qandayda bir sankciya saludı josparlamağanın tüsindirdi.

AQŞ tarabınan jasalğan tizimde Qıtay, M'yanma, Soltüstik Koreya jäne Saud Arabiyası qatarlı elder bar. Al, bwl elderge Qwrama Ştattıñ zañına säykes sankciya salınğan.

Bıltır ğana AQŞ pen Päkistan qarım-qatınası dini senim bostandığı jäne terrorizm mäseleler boyınşa qayşılıqtar orın alğan edi. Al, osı kelispeuşilikten keyin Qwrama Ştat Päkistanğa berilip kele jatqan qarjılay kömekti toqtatıp tastağan. Soñğı kezdegi eki eldiñ bir-birine degen talpınısı, öñirdegi ekstremizm qaupiniñ artuına baylanıstı Qwrama Ştat pen Päkistan tüsinistikke ie baylanıs ornatu közdeytinin bayqattı.

“The Qazaq Times”