Qırğız deputatı jağımsız jañalıqtardı orıs jäne ağılşın tilderinde şığarmau kerektigin wsındı

Qırğız eliniñ parlament deputatı Aqılbek Japarov jağımsız jañalıqtardı orıs jäne ağılşın tilinde jarıqqa şığarmaudı wsındı. 

«Gruziya elinde bolğan uaqıtta, jağımsız jañalıqtardı orıs tilinde saytqa şığarmaytının añğardım. 2004 jılı Gruziya basşısı barlıq halıqqa jağımsız jañalıqtardı tek, gruzin tilinde jazuğa şaqırğan. Al, orıs tili men ağılşın tilinde jaqsı jañalıqtar jazıluı tiis degen».

Sonday-aq Japparov mädeniet, aqparat jäne turizm ministri Azamat Jamanqwlovqa da wsınıs bildirdi. «Sizder de halıqqa osınday wsınıs jasaularıñız tiis. Ğalamtor betinde Qırğız eliniñ salt-dästürleri turalı tek jağımdı jañalıqtar boluı tiis» dep öziniñ pikirin ortağa saldı.

Alayda, Qırğız jwrtşılığınıñ barlığı birdey qırğızşa bile bermeydi. Tipti, balabaqşalardıñ özinde de Qırğız tilin oqıtu kün artqan sayın qiındap baradı. Qazirgi tañda Bişkek qalasında 85 municipal'di balabaqşa bar. Onıñ tek, 13-i ğana taza Qırğız tilinde jwmıs istese, 45 balabaqşanıñ jetkinşekteri qırğız tilinde de, orıs tilinde de erkin söylesui qarastırılğan.

Esteriñizge sala keteyik, Gruziyanıñ eks-prezidenti Mihail Saakaşvili 2004 jılı atalğan wsınıstı jüzege asırğan. Qazirgi tañda Gruziya basılımdarınan sol uaqıtta Saakaşvili turalı jağımsız şıqqan orıs tilindegi aqparattardı kezdestiru qiın.

"The Qazaq Times"