AQŞ Qorğanıs vedomstvoları birlesken mälimdeme jariyaladı. Foto: WAJ.

AQŞ-tıñ mañızdı qorğanıs vedomstvoları jwma küni birlesken mälimdeme taratıp, AQŞ-tağı saylauğa şeteldiñ aralasuına qarsı wjımdasqan küres jürgizetinin mälimdedi. Bwl turalı Qwrama Ştattağı basılımdar jariya etti.

Birlesken mälimdemeni AQŞ Wlttıq barlau basqarması, Ädilet departamenti, Federaldıq Tergeu byurosınıñ jäne İşki qauipsizdik departamentiniñ direktorları jasağan.

Atalğan mälimdemede: «Biz Resey, Qıtay jäne Irandı qamtığan özgede elderdiñ Qwrama Ştattağı demokratiyalıq jüyege degen senimge nwqsan keltirip, qoğamdıq köñil-küy men memlekettik sayasatqa ıqpal etuinge tırısıp jatqan äreketterine alañdauşılıq bildiremiz. Bwl äreketter 2018-2020 jıldar arasındağı AQŞ-tağı saylaulardıñ nätijesi men qoğamdıq şeşimderge äser etui mümkin», – delingen.

Sonday-aq, mälimdemede atalğan elder AQŞ-tağı qoğamdıq oy-pikir men memlekettik sayasatqa äser etu üşin, türli aqparat qwraldarın paydalana otırıp, dau-damaydı, äleumettik tartıstı örşitui mümkin ekenin aytqan. Jäne qoğamdıq talas-tartıstı qozdıra tüsu üşin ağılşın tilindegi şağın jarnamalardı da paydalanuı mümkin ekenin eskertken. Bwlar saylaudağı kandidattar turalı nemese şetel turalı jalğan aqparattarğa qwrılğan boluı mümkin ekendiginde aytadı.

Degenmen, AQŞ qorğanıs vedomstvoları qazirge deyin qandayda bir saylau nätijesin özgertu nemese dauıs sanaudı boldırmas üşin infraqwrılmdardı büldiruşilerdi anıqtağanı turalı mälimet bermegen.

Esteriñizde bolsa, osığan deyin AQŞ tarabı 2016 jılğı saylau nätijesine aralastı dep Resey ükimetin ayıptağan bolatın. Jäne aldağı saylauğa baylanıstı AQŞ-tıñ demokratiyalıq jüyesine äsker etpek bolğan degen ayıppen Beyjiñ biligin de sınğa alğan bolatın.

“The Qazaq Times”