اقش قورعانىس ۆەدومستوۆالارى سايلاۋعا ارالاسۋشى سىرتقى كۇشكە قارسى كۇرەسەتىنىن مالىمدەدى

اقش-تىڭ ماڭىزدى قورعانىس ۆەدومستۆولارى جۇما كۇنى بىرلەسكەن مالىمدەمە تاراتىپ، اقش-تاعى سايلاۋعا شەتەلدىڭ ارالاسۋىنا قارسى ۇجىمداسقان كۇرەس جۇرگىزەتىنىن مالىمدەدى. بۇل تۋرالى قۇراما شتاتتاعى باسىلىمدار جاريا ەتتى.

بىرلەسكەن مالىمدەمەنى اقش ۇلتتىق بارلاۋ باسقارماسى، ادىلەت دەپارتامەنتى، فەدەرالدىق تەرگەۋ بيۋروسىنىڭ جانە ىشكى قاۋىپسىزدىك دەپارتامەنتىنىڭ ديرەكتورلارى جاساعان.

اتالعان مالىمدەمەدە: «ءبىز رەسەي، قىتاي جانە يراندى قامتىعان وزگەدە ەلدەردىڭ قۇراما شتاتتاعى دەموكراتيالىق جۇيەگە دەگەن سەنىمگە نۇقسان كەلتىرىپ، قوعامدىق كوڭىل-كۇي مەن مەملەكەتتىك ساياساتقا ىقپال ەتۋىنگە تىرىسىپ جاتقان ارەكەتتەرىنە الاڭداۋشىلىق بىلدىرەمىز. بۇل ارەكەتتەر 2018-2020 جىلدار اراسىنداعى اقش-تاعى سايلاۋلاردىڭ ناتيجەسى مەن قوعامدىق شەشىمدەرگە اسەر ەتۋى مۇمكىن»، – دەلىنگەن.

سونداي-اق، مالىمدەمەدە اتالعان ەلدەر اقش-تاعى قوعامدىق وي-پىكىر مەن مەملەكەتتىك ساياساتقا اسەر ەتۋ ءۇشىن، ءتۇرلى اقپارات قۇرالدارىن پايدالانا وتىرىپ، داۋ-دامايدى، الەۋمەتتىك تارتىستى ءورشىتۋى مۇمكىن ەكەنىن ايتقان. جانە قوعامدىق تالاس-تارتىستى قوزدىرا ءتۇسۋ ءۇشىن اعىلشىن تىلىندەگى شاعىن جارنامالاردى دا پايدالانۋى مۇمكىن ەكەنىن ەسكەرتكەن. بۇلار سايلاۋداعى كانديداتتار تۋرالى نەمەسە شەتەل تۋرالى جالعان اقپاراتتارعا قۇرىلعان بولۋى مۇمكىن ەكەندىگىندە ايتادى.

دەگەنمەن، اقش قورعانىس ۆەدومستۆولارى قازىرگە دەيىن قاندايدا ءبىر سايلاۋ ناتيجەسىن وزگەرتۋ نەمەسە داۋىس ساناۋدى بولدىرماس ءۇشىن ينفراقۇرىلمداردى بۇلدىرۋشىلەردى انىقتاعانى تۋرالى مالىمەت بەرمەگەن.

ەستەرىڭىزدە بولسا، وسىعان دەيىن اقش تارابى 2016 جىلعى سايلاۋ ناتيجەسىنە ارالاستى دەپ رەسەي ۇكىمەتىن ايىپتاعان بولاتىن. جانە الداعى سايلاۋعا بايلانىستى اقش-تىڭ دەموكراتيالىق جۇيەسىنە اسكەر ەتپەك بولعان دەگەن ايىپپەن بەيجىڭ بيلىگىن دە سىنعا العان بولاتىن.

“The Qazaq Times”