Foto: El Pais

«Taliban» terrorlıq qozğalısınıñ negizin saluşılardıñ biri Mäulana Sami ul'-Haq Auğanstandağı soğıstı ayaqtau üşin Qıtaydı kelissözderge qatısuğa şaqırdı, - dep habarlaydı Bloomberg.

Ul-Haq: "Beyjiñniñ 17 jıldan beri jalğasıp kele jatqan qaqtığıstı retteuge qatısuı quantarlıq jağday bolar edi", - degen. Onıñ sözinşe,  Qıtay «mwnday mañızdı isti tek AQŞ-qa qaldırmauı» tiis.

Negizi, osığan deyin Qıtay biliginiñ Auğanstannıñ Şıñjañ-Wyğır avtonomiyalıq audanımen şekaralas aymağındağı jağdayğa baylanıstı birqatar jwmıstardı qolğa alğanı habarlanğan edi. Mäselen, tamız ayında Beyjiñ biliginiñ Auğanstannıñ soltüstik-şığısındağı Badahşan qalasında äskeri-jattığu bazasınıñ qwrılısın bastağanı turalı aqparat ta taradı. Äytse de,  tälibterge tiesili aqparat közderiniñ özi osı habardı jarısa taratqanmen, Qıtay SİM bwğan qatıstı naqtı mälimet beruden bas tartqan edi. Ortalıq Aziya elderi araqatınasın zertteuşi sayasi şoluşılardıñ aytuınşa, bwğan deyin Auğanstan territoriyasında birde-bir äskeri bazası bolmağan  Qıtaydıñ bwl äreketi ras bolsa, Beyjiñ biligi Auğanstandağı terrorlıq lager'lerde jattığudan ötken terrorşılardıñ aldın aluğa tırısuda.

Mäulana Sami ul'-Haq — päkistandıq islam qayratkeri retinde tanılğan. Ol tälibtermen tığız baylanıs ornatqan äri «Taliban» qozğalısınıñ qazirgi uaqıttağı lideri Haybatulla Ahundzadanıñ şäkirti bolıp tabıladı.

“The Qazaq Times”