Foto: 24heures.ch

Japoniya ükimeti otstavkağa ketti. Kyodo agenttiginiñ habarlauınşa, ükimet qwramınıñ tolığımen otstavkağa ketuine prem'er-ministr Şindzo Abeniñ (Sindzr Abe/ Shinzo Abe) biliktiñ qolındağı Liberaldı-demokratiyalıq partiyanıñ (LDP) jaña törağası bolıp saylanuı sebep bolğan.

Aqparat qwraldarınıñ mälimetinşe, Abe radikaldı özgeristen bas tartıp,  negizgi ministrlerin saqtap qaludı közdeydi. Biraq, 18 ministrdiñ tek üşten biri ğana öz orındarında qalğan. Osılayşa, vice-prem'er jäne qarjı ministri Taro Aso, Japoniya ükimetiniñ bas hatşısı Esihide Sugu jäne Sırtqı ister ministri Taro Kono ğana öz orındarın saqtap qalğan.

Endi, Abe Japoniya ükimetin üşinşi ret basqarmaq. Joğarıda da aytıp ötkenimizdey, Japoniya ükimeti Şindzo Abe saylaudağı jeñisinen keyin jaña ministrler kabinetin qwruı üşin tolıq qwrammen otstavkağa ketude. BAQ qwraldarı Abe osı arqılı öziniñ ükimet basşısı lauazımın bekitip aldı dep jazadı. Äri, halıqaralıq sayasi sarapşılar da osı sayasi oqiğa liberaldı-demokratiyalıq partiya men onıñ lideri Şindzo Abeniñ halıq aldındağı bedelin tüsirdi dep sanaydı.

“The Qazaq Times”