Foto: stanradar.com

«Taliban» radikaldı qozğalısınıñ ökilderi men Auğanstan ükimetiniñ delegaciyası Saud Arabiyasında kelissözder jürgizip, alda ötetin (20 qazan) parlament saylauı aldında qauipsizdik mäselelerin talqıladı. Bwl turalı Reuters agenttigi habarlaydı. Aqparat köziniñ mälimetinşe, kezdesu osı aptada ötken.

«Olar bizden beybit saylau ötkizulerine kömektesuge şaqırdı. Auğanstan delegaciyası qamauğa alınğandardı bosatuğa qatıstı kelisimge keldi», - degen taliban ökilderiniñ biri tipti olardıñ keybiriniñ bostandıqqa şığarılğanın da habarlağan. Atı-jönin jasırğan tälibterdiñ biri Saud Arabiyasındağı kezdesudiñ AQŞ-tıñ qaqtığıstı üş ayğa qısqartu turalı talabınıñ kesirinen amerikalıq şeneuniktermen kezekti kelissözder jürgizu josparı bwzılğannan keyin  ötkizilgenin aytqan. «Bizdiñ jetekşilerimizdiñ keybiri Auğanstan ükimetimen kelissözder jürgizu turalı bastamasın qoldamadı. Alayda, amerikalıqtarmen ötedi dep kütilgen kezdesuimiz belgili bir sebepterge baylanıstı ötkizilmedi», - degen ol.

“The Qazaq Times”