Foto: El Pais

Ukraina reseylik «RJD Logistika», «Promkompleksplast», «Gazgol'der» jäne tağı basqa käsiporındarğa sankciya saldı. Bwl turalı UQQ (Ukraina Qauipsizdik Qızmeti) baspasöz-qızmetine silteme jasap «ajanshaber.com» habarladı.

Reseylik käsiorındar qara tizimge özin-özi jariya etken Doneck jäne Lugansk halıqtıq respublikalarınıñ transporttıq kompaniyalarımen seriktestik jasağandarı üşin ilikken. UQQ mälimetinşe, 2018 jılı reseylik käsiporındar osı eldegi transporttıq käsiporındarmen birlesip «Sırtqı ekonomikalıq kelisimşarttarğa» qol qoyğan. «Reseylik käsiporındar osınday äreketteri arqılı halıqaralıq erejeler men qağidalardı bwzıp otır. Äri, Doneck jäne Lugansk oblıstarındağı uaqıtşa qadağalausız aymaqtardağı terrorlıq wyımdarğa qarjılıq kömek körsetedi. Bwl — Ukraina ekonomikasına aytarlıqtay zalal äkeledi. Sondıqtan, UQQ Sauda jäne ekonomikalıq damu ministrligi men Wlttıq Qauipsizdik Keñesine osı käsiporındarğa qarsı sankciyalar engizuge wsınıs jasadı», - delingen UQQ baspasöz qızmetiniñ mälimdemesinde. Ukrainanıñ osı qadamına qatıstı Kreml' de öz jauabın berdi. RF baspasöz hatşısı Dmitriy Peskov Mäskeu Ukraina tarapınan engizilgen sankciyalarğa qarsı jauap beruge äzir dayın emes ekenin mälimdedi. «Äzirge qanday da bir qarsı şara (Ukrainağa qarsı) dayındalmadı», - degen ol.

“The Qazaq Times”