Foto: EPA

DAIŞ terrorlıq wyımınıñ Auğanstandağı jetekşisi qaza taptı, - dep habarlaydı Auğan ükimeti.  Kabuldağı Wlttıq qauipsizdik basqarmasınıñ aqparatına säykes, Wyımnıñ Auğanstandağı tarmağınıñ jetekşisi Äbu Saad Ärhabi senbi küni keşke Nangarhar qalasındağı soqqı saldarınan qaza tapqan.

Sonımen qatar, Auğanstanıq jäne şeteldik küşterdiñ birikken äue jäne qwrlıqtıq operaciyaları kezinde atalğan terrorlıq toptıñ on müşesi qaza tauıp, wyımğa tiesili oq-däriler men qaru-jaraqtardıñ da köp böligi joyılğan. Äbu Saad Ärhabi Islam memleketiniñ Auğanstandağı törtinşi jetekşisi. Bwrınğı jetekşi Äbu Said Narnarhardağı kezekti soqqı kezinde öltirilgen eken. Ayta ketu kerek, Auğanstandağı Islam memleketiniñ bölimşesi 2015 jıldan beri tälibtermen, auğandıq jäne amerikalıq küştermen belsendi küres jürgizip keledi. BWW mälimeti boyınşa, Islam memleketiniñ Auğanstandağı terroristeriniñ sanı 3,5-4,5 mıñ adamnan asadı.

“The Qazaq Times”