Foto: Davide Faraone

Bwdan bwrın da habarlanğanımızday, italiyalıq jağalau qızmetiniñ kemesi «Diciotti» 177 zañsız bosqındı alğan bolatın. Endi, Italiyanıñ Densaulıq saqtau ministriniñ orınbasarı Davide Faraone sol kemedegi bosqındardıñ aştıq jariyalap jatqandıqtarın habarladı, - dep jazuda «haberler.com».

«Men jaña ğana jağalau basqarmasınan «Diciotti» kemesiniñ kesirinen jağdaydıñ uşığıp bara jatqanı turalı habar aldım. Bosqındar aştıq jariyalauda», - dep habarlağan. Qazirgi uaqıtta, atalğan kemege eşkim jiberilmeude. Bwl — bärinen bwrın qauipsizdik üşin qajet dep habarlauda Italiya Qauipsizdik qızmetteri. Bwdan bwrın, 22 tamızda Mal'tanıñ atalğan kemeni qabıldaudan bas tartqanı turalı habarlanğan edi. Sondıqtan, keme italiyalıq Lampeduze aralına jaqın kelip toqtağan bolatın. Italiyanıñ Sırtqı ister ministri Matteo Sal'vini jağalauğa tek kämelettik jasqa tolmağan 27 jetkinşektiñ şığuına rwqsat bergen bolatın. Al, qalğan bosqındar äli uaqıtqa deyin  «Diciotti»  kemesiniñ bortında. Qazirgi tañda Euroodaq bosqındarğa qatıstı mäseleni birjaqtı etuge tırısqanmen, müşe-elderdiñ arasındağı osınday tartıstıñ biter türi körinbeydi. Bwdan bwrın da, Franciya ükimeti bosqındar türli jwqpalı aurulardı taratuda dep şağımdanğan edi.