Фото: Давиде Фараоне

Бұдан бұрын да хабарланғанымыздай, италиялық жағалау қызметінің кемесі «Diciotti» 177 заңсыз босқынды алған болатын. Енді, Италияның Денсаулық сақтау министрінің орынбасары Давиде Фараоне сол кемедегі босқындардың аштық жариялап жатқандықтарын хабарлады, - деп жазуда «haberler.com».

«Мен жаңа ғана жағалау басқармасынан «Diciotti» кемесінің кесірінен жағдайдың ушығып бара жатқаны туралы хабар алдым. Босқындар аштық жариялауда», - деп хабарлаған. Қазіргі уақытта, аталған кемеге ешкім жіберілмеуде. Бұл — бәрінен бұрын қауіпсіздік үшін қажет деп хабарлауда Италия Қауіпсіздік қызметтері. Бұдан бұрын, 22 тамызда Мальтаның аталған кемені қабылдаудан бас тартқаны туралы хабарланған еді. Сондықтан, кеме италиялық Лампедузе аралына жақын келіп тоқтаған болатын. Италияның Сыртқы істер министрі Маттео Сальвини жағалауға тек кәмелеттік жасқа толмаған 27 жеткіншектің шығуына рұқсат берген болатын. Ал, қалған босқындар әлі уақытқа дейін  «Diciotti»  кемесінің бортында. Қазіргі таңда Еуроодақ босқындарға қатысты мәселені біржақты етуге тырысқанмен, мүше-елдердің арасындағы осындай тартыстың бітер түрі көрінбейді. Бұдан бұрын да, Франция үкіметі босқындар түрлі жұқпалы ауруларды таратуда деп шағымданған еді.