Foto: EPA

21 tamız, seysenbi  küni Gruziyanıñ Ädilet ministrligi Resey Federaciyasınıñ üstinen adam qwqıqtarı jönindegi Europa sotına memleketaralıq talap tüsirdi. Gruziyanıñ bwl qadamına Oñtüstik Osetiyada Arçil Tatunaşvilidiñ öltirilui men basqa da adam qwqıqtarınıñ ayaq astı etilui sebep bolğan. Bwl jöninde atalğan mekemege silteme jasap Gruziya Online habarlaydı.

«Talap üstimizdegi jıldıñ aqpan ayında Arçil Tatunaşvili öltirilgennen keyin kritikalıq jağdayğa jetken äri 2008 jılğı soğıstan soñ äbden şielenisken basıp alınğan aymaqtarda twratın gruzin halqınıñ jappay qudalanuı, wstap-qamaluı, olarğa jasalğan şabuıl men azamattarımızdıñ öltiriluine baylanıstı tüsirilgen», - dep habarlanğan. Atalğan vedomostva Resey men onıñ qaramağındağı bilikter özderiniñ qılmıstarın jasıruğa tırısıp, A.Tatunaşvilidiñ mürdesiniñ medicinalıq saraptaması turalı mälimetterdiñ balama nwsqaların oylap tabu arqılı Gruziya biligin şatastıruğa tırısuda delingen. Osığan baylanıstı, Gruziya Strasburg sotınan (Europa sotı) Europa konvenciyasınıñ köptegen baptarın bwzuına baylanıstı Resey Federaciyasın jauapkerşilikke tartudı talap etude. Bärimizge belgili, Gruziya azamatı Arçil Tatunaşvili tuıstarın köru üşin, auılına kelgeninde Oñtüstik Osetiya biligi tarapınan wrlap äketilgen edi. Oğan «diversiyalıq qızmetter» üşin ayıp tağılıp, artınşa ol satıdan tüsip bara jatqanda qaza tapqan siyaqtı körsetilgen edi.

“The Qazaq Times”