Foto: Iran Islam Respublikasınıñ SİM basşısı Javad Zarif

AQŞ tarapınan jasalğan ekonomikalıq qısım äreketteri Iranğa eşqaşan da Tayau Şığıstağı öziniñ sayasatın özgerttire almaydı. Bwl turalı düysenbi, 13 tamızda Iran Islam Respublikasınıñ SİM basşısı Djavad Zarif «Äl-Jazira» telearnasına bergen swhbatında mälimdegen.

«Iran eşqaşan da AQŞ- tıñ sankciyalarına bola aymaqtağı sayasatın özgertpeydi», - degen ol. D.Zarif sonımen qatar, Uaşingtonmen kelissöz jasasudıñ mümkin emestigin de aytqan. «Biz Birikken Ştattarmen olar sankciya äreketterin toqtatıp, özge elderdi sıylap, memleket siyaqtı äreket etkende ğana dialog jasasatın bolamız» , - degen.

Ayta ketetin jayt, osıdan bwrın, yağni düysenbi küni IIR-nıñ ruhani jetekşisi, ayatolla Äli  Hamenei de AQŞ-pen qanday da bir kelissözder jasasuğa qarsılığın bildirgen edi.

Bärimizge belgili, osı jıldıñ mamır ayında AQŞ prezidenti Donal'd Tramp «Ortaq qadam jan-jaqtı bağdarlamasınan» şığatının mälimdep, bwrınğı sankciyalardıñ qatarına jañaların engizetinin aytqan edi. Amerikalıq sankciyalardıñ birinşi böligi 7 tamızğa qarağan tüni engizilgen bolatın.

“The Qazaq Times”