Foto: Farhan Hak

BWW Irannıñ yadrolıq bağdarlamasına qatıstı jan-jaqtı kelisimşarttı «diplomatiyalıq jemis jäne BWW-ğa müşe barlıq memleketterge qoldau körsetu»  retinde bağalaudı jalğastıruda. Bwl turalı lemonde.fr habarlaydı.

BWW Irannıñ yadrolıq kelisimşartı degen ataumen tanımal osı bağdarlamağa qatısuşı memleketterdi AQŞ-tıñ Iranğa qarsı sankciyalarına qaramastan, kelisimşart erejelerin saqtauğa şaqırdı. Keşe, 6 tamız küni BWW-nıñ bas hatşılığınıñ resmi ökiliniñ orınbasarı Farhan Hak osınday mälimdeme jasadı.

«Biz jaña sankciyalardıñ ıqpalın zertteytin bolamız. Biraq, bizge qazirgi bolıp jatqan oqiğalarğa qaramastan, Iranmen jäne özge de qatısuşı eldermen bwdan bwrın qolğa alınğan mindetterimizdi jalğastıru mañızdı», - degen Farhan Hak. Sonımen qatar, BWW bas hatşılığınıñ resmi ökiliniñ orınbasarı BWW-nıñ Irannıñ yadrolıq bağdarlamasın «diplomatiyalıq jemis jäne BWW-ğa müşe barlıq memleketterge qoldau körsetu»  retinde bağalaudı jalğastıratının da atap ötti

Bärimizge belgili, keşe, 6 tamız küni Uaşingtonnıñ qayta qolğa aluımen AQŞ-tıñ Iranğa qarsı sankciyaları küşine engen edi. AQŞ bwl qadamğa, Irannıñ yadrolıq bağdarlaması kelisimşartınan şıqqannan keyin barğan bolatın.   

 “The Qazaq Times”