فوتو: فارحان حاك

بۇۇ يراننىڭ يادرولىق باعدارلاماسىنا قاتىستى جان-جاقتى كەلىسىمشارتتى «ديپلوماتيالىق جەمىس جانە بۇۇ-عا مۇشە بارلىق مەملەكەتتەرگە قولداۋ كورسەتۋ»  رەتىندە باعالاۋدى جالعاستىرۋدا. بۇل تۋرالى lemonde.fr حابارلايدى.

بۇۇ يراننىڭ يادرولىق كەلىسىمشارتى دەگەن اتاۋمەن تانىمال وسى باعدارلاماعا قاتىسۋشى مەملەكەتتەردى اقش-تىڭ يرانعا قارسى سانكتسيالارىنا قاراماستان، كەلىسىمشارت ەرەجەلەرىن ساقتاۋعا شاقىردى. كەشە، 6 تامىز كۇنى بۇۇ-نىڭ باس حاتشىلىعىنىڭ رەسمي وكىلىنىڭ ورىنباسارى فارحان حاك وسىنداي مالىمدەمە جاسادى.

«ءبىز جاڭا سانكتسيالاردىڭ ىقپالىن زەرتتەيتىن بولامىز. بىراق، بىزگە قازىرگى بولىپ جاتقان وقيعالارعا قاراماستان، يرانمەن جانە وزگە دە قاتىسۋشى ەلدەرمەن بۇدان بۇرىن قولعا الىنعان مىندەتتەرىمىزدى جالعاستىرۋ ماڭىزدى»، - دەگەن فارحان حاك. سونىمەن قاتار، بۇۇ باس حاتشىلىعىنىڭ رەسمي وكىلىنىڭ ورىنباسارى بۇۇ-نىڭ يراننىڭ يادرولىق باعدارلاماسىن «ديپلوماتيالىق جەمىس جانە بۇۇ-عا مۇشە بارلىق مەملەكەتتەرگە قولداۋ كورسەتۋ»  رەتىندە باعالاۋدى جالعاستىراتىنىن دا اتاپ ءوتتى

بارىمىزگە بەلگىلى، كەشە، 6 تامىز كۇنى ۋاشينگتوننىڭ قايتا قولعا الۋىمەن اقش-تىڭ يرانعا قارسى سانكتسيالارى كۇشىنە ەنگەن ەدى. اقش بۇل قادامعا، يراننىڭ يادرولىق باعدارلاماسى كەلىسىمشارتىنان شىققاننان كەيىن بارعان بولاتىن.   

 “The Qazaq Times”