AQŞ prezidenti Tramp keşegi mälimdemesinde, Soltüstik Koreya basşısı Kim Joñ Unmen kezdesudiñ uaqıtı men ornı twraqtanıp bolğanın bildirdi. Alayda, bwl mälimetter qwpiya küyinde qaldı.  Bwl turalı WSJ basılımı habarladı.

Tramp Aq üyde jasağan mälimdemesinde, Qwrama Ştattıñ osığan deyin Soltüstik Koreyamen aldağı kelissöz dayındıqtarı jöninde baylanıs ornatıp kelgenin ayttı. Tramp sözinde: «Biz kelissözdiñ uaqıtı men ornın twraqtandırdıq jäne kelistik. Bwl turalı köp wzamay habarlaytın bolamız. Biraq, qazir emes», – dedi.

Tramp osıdan bwrın Kim Joñ Unmen bolatın kezdesudiñ eki Koreya şekarasındağı Panmınjomda ötui mümkin ekenin aytqanı bar. Esteriñizde bolsa, osıdan bwrın (27 säuirde) eki Koreya basşısı da osı arada tarihi kezdesu ötkizgen edi. Alayda, jwma küni Oñtüstik Koreya prezidentiniñ mälimdemeşisi, Oñtüstik Koreya tarabı AQŞ-tıñ mwnday habarlamasın tapsırıp almağanın aytqan.

Bwdan sırt, AQŞ-tıñ Oñtüstik Koreyadağı äskerin şığaru mäselesi turalı swrağanda, Aq üy basşısı: «Bwl mäsele Kim Joñ Unmen kelissöz taqırıptarınıñ arasında joq», – dep jauap beregen.

“The Qazaq Times”