اقش پرەزيدەنتى ترامپ كەشەگى مالىمدەمەسىندە، سولتۇستىك كورەيا باسشىسى كيم جوڭ ۋنمەن كەزدەسۋدىڭ ۋاقىتى مەن ورنى تۇراقتانىپ بولعانىن ءبىلدىردى. الايدا، بۇل مالىمەتتەر قۇپيا كۇيىندە قالدى.  بۇل تۋرالى WSJ باسىلىمى حابارلادى.

ترامپ اق ۇيدە جاساعان مالىمدەمەسىندە، قۇراما شتاتتىڭ وسىعان دەيىن سولتۇستىك كورەيامەن الداعى كەلىسسوز دايىندىقتارى جونىندە بايلانىس ورناتىپ كەلگەنىن ايتتى. ترامپ سوزىندە: «ءبىز كەلىسسوزدىڭ ۋاقىتى مەن ورنىن تۇراقتاندىردىق جانە كەلىستىك. بۇل تۋرالى كوپ ۇزاماي حابارلايتىن بولامىز. بىراق، قازىر ەمەس»، – دەدى.

ترامپ وسىدان بۇرىن كيم جوڭ ۋنمەن بولاتىن كەزدەسۋدىڭ ەكى كورەيا شەكاراسىنداعى پانمىنجومدا ءوتۋى مۇمكىن ەكەنىن ايتقانى بار. ەستەرىڭىزدە بولسا، وسىدان بۇرىن (27 ساۋىردە) ەكى كورەيا باسشىسى دا وسى ارادا تاريحي كەزدەسۋ وتكىزگەن ەدى. الايدا، جۇما كۇنى وڭتۇستىك كورەيا پرەزيدەنتىنىڭ مالىمدەمەشىسى، وڭتۇستىك كورەيا تارابى اقش-تىڭ مۇنداي حابارلاماسىن تاپسىرىپ الماعانىن ايتقان.

بۇدان سىرت، اقش-تىڭ وڭتۇستىك كورەياداعى اسكەرىن شىعارۋ ماسەلەسى تۋرالى سۇراعاندا، اق ءۇي باسشىسى: «بۇل ماسەلە كيم جوڭ ۋنمەن كەلىسسوز تاقىرىپتارىنىڭ اراسىندا جوق»، – دەپ جاۋاپ بەرەگەن.

“The Qazaq Times”