Bwrınğı reseylik barlau agenti Sergey Skripal. Foto: Daily Star.

Britandıq «Sunday Times» basılımınıñ habarlauınşa, Britaniya ükimeti bwrınğı reseylik barlau agenti Skripal men onıñ qızına jaña azamattıq berudi qarastırıp jatır. Wlıbritaniya ükimeti olarğa qaytalay qastandıq jasaludıñ aldın alu  jäne jaña ömirin bastauına mümkindik beru üşin Skripal otbasınıñ AQŞ-qa qonıs audaruına rwqsat bermek.  Bwl turalı VOA aqparattıq agenttigi habarladı.

«Sunday Times» basılımınıñ habarında, Britaniyanıñ barlau agenttigi Skripal men qızınıñ qonıs audaru isi boyınşa AQŞ Ortalıq barlau agenttigimen kelissözder jürgizude. Habarğa qarağanda, Britaniya ükimeti bwl eki adamnıñ qauipsizdigi üşin «Besközdi barlau al'yansına» müşe elderdiñ birine qonıs audaruın ümit etedi. Atalğan barlau odağınıñ qwramına Wlıbritaniyadan tıs, Kanada, AQŞ, Australiya (Avstraliya) jäne Jaña Zelandiya kiredi.

Eki eldiñ barlau agenttikteri arasındağı kelissözge qatısuşı britandıq lauazımdılardıñ biri  «Sunday Times» basılımına bergen pikirinde: «Qwrama Ştat olardıñ qonıstanuı üşin eñ jaqsı tañdau bolar edi. Sebebi, Qwrama Ştatta olarğa qastıq jasau mümkindigi barınşa tömen. Bwğan qosa, olar jaña azamattıqqa ie bolğannan keyin, bas amandığı kepildendiriledi», – dedi.

Degenmen, Wlıbritaniyanıñ Sırtqı ister ministrligi atalğan qonıs audaru isi turalı tüsinikteme bermedi.

“The Qazaq Times”