Foto: bbc.com

AQŞ Prezidenti Donal'd Tramp Şveycariyada ötken Bükilälemdik ekonomikalıq forumda "Amerika birinşi, onıñ sayasatı  jalğız ekenin bildirmeydi" dep mälimdedi. Ol öziniñ saylaualdı kampaniyası kezinde Amerikadağı jergilikti käsipkerlikti şeteldik bäsekelestikten qorğauğa uäde bergen bolatın. Bwl sayasat jahandanu men özara äriptestikti wran etken Bükilälemdik ekonomikalıq forumnıñ negizgi qağidalarına qayşı keledi. Degenmen AQŞ Prezidenti öz memleketiniñ käsipkerlik jasauğa aşıq bolıp qala beretinin atap ötti. 

Donal'd Tramp öziniñ Amerika Prezidenti qızmetinde ötkizgen bir jılında qol jetkizgen jetistikterdi sanamalap, korporativti salıqtıñ tömendegenin jäne jwmıssızdıq ülesiniñ azayğanın alğa tarttı. Ol: "Jwmıs orındarın qwru, ösu men investiciyalar salu üşin Amerika eşqaşan däl mwnday qolaylı bolğan emes. Biz käsipkerlik üşin aşıqpız!", - dep mälimdedi.

VVS tilşisi "Donal'd Tramptıñ "Amerika birinşi, biraq jalğız emes" deui, onıñ protekcionizm sayasatı ayasında özge älem memleketterimen sauda soğısın bastau emes, ädil sauda jürgizuge şaqıru" degen qorıtındı şığaradı. Degenmen jaqın künderi AQŞ-tıñ elge importtalatın kir juatın maşinalar men kün panel'derine qoyılatın tarifti 50 payızğa deyin köteru turalı şeşimi Oñtüstik Koreya men Qıtaydıñ narazılığın tudırğan edi.

“The Qazaq Times"