Astanada ötetin Süriya memleketine qatıstı kezekti kelissöz merzimi 21-22 jeltoqsanğa belgilendi. Bwl turalı QR Sırtqı ister ministrliginiñ resmi saytında habarlandı. 

Ministriliktiñ mälimetinşe, taraptar aldağı uaqıtta bolatın kelissözde wstalğandardı bosatu, qaza tapqandardıñ denelerin beru jäne joğalğan adamdardı izdestiru boyınşa jwmıs tobın qwru turalı erejeni qabıldaudı josparlap otır. Sonday-aq, kelissözge qatısuşılar Süriyadağı qauipsiz aymaqtardıñ jwmısı qanday deñgeyde ekenin talqılap, YUNESKO ob'ektilerin qosa alğanda Süriyanı minalardan tazartu turalı birlesken şeşimdi bekituge nietti.

Qazan ayında ötken  jetinşi ret kezdesu qorıtındısında kepildik beruşi elder qarsı taraptardıñ sayasi jağdayların retteu üşin senimdi nığaytu, sonıñ işinde wstalğandardı bosatu jöninde şaralar qabıldau qajet ekeni turalı birlesken mälimdeme qabıldağan. Bwdan bölek, taraptar BWW arqılı Jeneva procesi boyınşa wlttıq dialog kongresin şaqıru turalı wsınıstı talqılauğa kelisim jasağan.

“The Qazaq Times”