Foto: ACN FOTO

Kuba Soltüstik Koreyanıñ az odaqtastarınıñ biri retinde Uaşington-Pioñyañ qarım-qatınastarınıñ jaqsarğanın qalaytının bildirdi. Gavanada öziniñ soltüstik koreyalıq äriptesi Ri Yoñ Honı qabıldağan Kubanıñ Sırtqı İster ministri Bruno Rodriges öz memleketiniñ beybitşilik pen twraqtılıqtı qoldaytının, al oğan tek kelissözder jäne dwrıs qabıldanğan sayasi şeşimder arqılı ğana qol jetkizuge bolatının atap ötti. Bwl turalı APF aqparattıq agenttigi jazdı. 

Bruno Rodriges osı aptanıñ basında Donal'd Tramptıñ "Soltüstik Koreya terrorizmdi qarjılandırıp otır" degen mälimdemesimen kelispeytinin bildirdi. "Bwl tek AQŞ-tıñ ğana közqarası, birjaqtı pikir jäne bwl negizsiz mälimdemeler Soltüstik Koreyağa degen Amerikanıñ öktemdigin arttırıp,  halıqaralıq zañdarğa qayşı keledi", - dedi ol.

Sonday-aq Kubanıñ resmi ökili Korey jartıtübeginde imperialistik äskeri küştiñ jii qoldanıluın sınadı. "Imperialistik äskeri küş" dep Bruno Rodriges AQŞ, Oñtüstik Koreya men Japoniyanıñ birlesken äskeri jattığuların atap otır. Bas diplomat socializm jüyesin wstanıp otırğan Kuba men Soltüstik Koreyanıñ qarım-qatınası asa mañızdı ekenine toqtaldı.

AQŞ pen Soltüstik Koreyanıñ bwrınnan salqın qarım-qatınastarı Pioñyañnıñ ballistikalıq zımırandar sınağın doğarmauı jäne oğan jauap retinde BWW sankciyalar engizui arqılı uşığıp otır. Al Kuba men AQŞ arasındağı 50 jılğa üzilgen diplomatiyalıq baylanıstar Barak Obamanıñ twsında qayta jandanğanımen, Donal'd Tramp äkimşiliginiñ bilikke keluimen,  kürdelene tüsti.

“The Qazaq Times”