AQŞ prezidenti Donal'd Tramp. Foto: Chicago Tribune.

Qazirgi älemdik jağdaydan alıp qarağanda, közqaraqtı adamdardı  yadrolıq soğıstıñ tuu ıqtimaldığı alañdatatını belgili boldı. Onı Batıs elderindegi saraptau ortalıqtarı dayındağan saualnama nätijeleri ayqındap otır. Soltüstik Koreya mäselesi, AQŞ-KHDR arasındağı şielenistiñ uşığuı bwl qauipti tipti de jaqındatıp, älem elderin üreyge salıp otırğanı jasırın emes.

Soltüstik Koreyanıñ biligine Kim Joñ Un yadrolıq bağdarlamanı damıtudı qarqındı türde qolğa aldı. Al, AQŞ prezidenti bolıp saylanğannan keyin Tramptıñ KHDR-ğa qaratqan poziciyası tipti qızuqandı küyge ötti. Eki el bir-birine birneşe märte yadrolıq soğıstıñ qaterin töndirdi. Osı kezeñderde älem jwrtşılığı Tramptıñ Soltüstik Koreyağa twtqiıl yadrolıq şabuılğa bwyrıq berip jiberuinen alañdağanı anıq. Sebebi, äreketi salmaqtı sayasatkerge wqsay bermeytin amerikalıq basşınıñ jüris twrısı eser, jeñiltek adamğa köbirek wqsağan edi. Tramp rasında yadrolıq soğısqa bwyrıq berse bwl AQŞ qarulı küşteri bwyrıqtı orındauğa qanşalıqtı senimdi? AQŞ üşin yadrolıq soğıstıñ biltesi tek Tramptıñ qolında ma? Jaqında bwl swraqqa jauap tabılğanday boldı.

Qwrama Ştattıñ Strategiyalıq qolbasşılığınıñ (STRATCOM) bwrınğı basşısı Robert Kehler bwl turalı pikirin bildirip: «AQŞ armiyası prezidentiñ yadrolıq soğıs turalı «zañsız bwyrığın» orındamau qwqığına ie», – degen jauabın berdi. Ol sözinde  STRATCOM Aq üyge qauip tönbey twrıp, bwrın qabıldanğan şeşim boyınşa yadrolıq soğıstı aşpauına qwqılı ekenin jetkizdi.

Kehler bwl pikirlerimen qatar: «Degenmen, wlttıq qauipsizdik salasında prezident qwqığınıñ şektele beruine qarsımın», – dedi. Qauipsizdik salasında prezidenttiñ qwqığı şektele berse bwl eldiñ qorğanıs qabiletin aytarlıqtay tömendetetinin aytıp ötti.

“The Qazaq Times”