Foto: Reuters

AQŞ pen Resey "Islam memleketi" lañkestik wyımı tolıqtay jeñilgenşe, oğan qarsı küş biriktirip, küres jürgizu turalı kelisimge keldi. Kreml'diñ jasağan mälimdemesinde atalğan şeşim V'etnamda ötip jatqan Aziya-Tınıq mwhit sammitindegi qos el basşısınıñ kezdesui kezinde qabıldanğanı aytılğan. AQŞ tarapı bwl mälimdemege qatıstı äli pikir bildirgen joq. Bwl turalı VVS aqparattıq agenttigi jazdı. 

Kezdesu ornınan bayandama jasağan sarapşılardıñ sözine säykes, qos el basşısı 24 sağat işinde 3 ret şağın äñgimege bas qosqan. Donal'd Tramp Prezidenttikke saylanğalı beri olar Gamburgte ötken G20 sammitindegi kezdesulerinen soñ ekinşi ret kezdesip otır. AQŞ-Resey Prezidentteriniñ V'etnamdağı ekonomikalıq forumda kezdesuin älem asığa kütti.

Kreml' bayandamasında AQŞ pen Resey Süriyadağı jağdaydıñ äskeri şeşimi joqtığımen kelisip, Jenevadağa kelissözderge barlıq taraptardı qatıstıruğa tırısatındıqtarın jetkizdi. Reseydiñ Interfaks agenttiginiñ habarlauınşa, AQŞ pen Resey "Islam memleketi" lañkestik wyımın jeñu üşin äriptestik baylanıstarın nığaytu turalı söz qozğağan.

Esteriñizge sala keteyik, Resey altı jıldan beri Süriyadağı biliktiñ qoldauşısı bolıp otır. Al AQŞ Arab toptarı men Kürd äskeri odağına kömektesip, 2014 jıldan beri äueden bombalau operaciyasın jürgizip keledi.

“The Qazaq Times”