Foto: APF

Franciyanıñ Parij qalasında jwma namazın köşe boyına qaz-qatar tizilip oqığan mwsılmandarğa qarsı jüzge juıq sayasatker men qoğam belsendisi narazılıq şeruin wyımdastırdı. Mwsılmandardıñ qwlşılığın Franciyanıñ änwranın şırqau arqılı bwzğan şeru qatısuşılarına böget bolıp, eki taraptı bir-birinen ajıratu üşin oqiğa ornına policiya qızmeti kömekke keldi. Bwl turalı APF aqparattıq agenttigi jazdı. 

Franciya  - Batıs Europadağı mwsılmandar eñ köp şoğırlanğan memleket. Mwnda 5 mln mwsılman bar. 200-ge juıq mwsılmannıñ jwma namazın orındauına qarsılıq bildirgender, köşe siyaqtı qoğamdıq orındar qwlşılıqqa arnalmağanın alğa tartsa, Islam dininiñ ökilderi olardıñ basqa baratın jerleri joqtığın aytadı. Namaz oqitın jalğız orındı naurız ayında qala äkimşiligi alıp qoyğannan keyin, mindetti qwlşılığın dalada orındap jürgen olar, är jwma sayın qoğamnıñ nazarındağı qolaysız, las orında namaz oqu özderine de wnamaytının jetkizdi.

Parij öñirlik keñesiniñ ökili Valera Pekres qoğamdıq orınnıñ mwnday maqsattarğa paydalanılğanına qarsı ekenin bildirse, mwsılmandardıñ biri şeru qatısuşılarınıñ Franciya änwranın şırqağanı köñiline qayau tüsirgenin aytadı. Ol: "Biz de francuzdarmız! Franciyada öte wzaq jıldan beri twratın francuzdarmız", -dedi.

“The Qazaq Times”