Saad Hariridiñ sureti jağalaudağı joldarğa ilinude. Foto: WSJ.

Keşe tüsten keyin, Saud Arabiyası ükimeti Livandağı azamattarın sol elden tez arada şığıp ketuge bwyırdı. Wzaq uaqıtqa sozılğan Saud Arabiyası men Iran arasındağı qaqtığıs Livandağı dağdarıstı küşeytkeli otırğanın eskertude. Bwl turalı AQŞ-tıñ tanımal «WSJ» basılımı habarladı.

Saud Arabiyasınıñ Sırtqı ister ministrligi Twitter-de jariyalanğan mälimdemesinde  Livandağı qazirgi jağdaydı eskere otırıp, öz azamattarınıñ Livannan tezirek ketuin talap etti.

Osıdan bir aptağa jeter-jetpes uaqıt bwrın, Livannıñ prem'er-ministri Saad Hariri Saud Arabiyasındağı qızmetinen ketu turalı mälimdeme jasap, Iran men onıñ Livandağı «quırşağı» – şittik sayasi jäne qarulı «Hezbolla» tobı aymaqta ıqpalınıñ artıp otırğanın aytqan bolatın.

“The Qazaq Times”