سااد ءحاريريدىڭ سۋرەتى جاعالاۋداعى جولدارعا ىلىنۋدە. فوتو: WSJ.

كەشە تۇستەن كەيىن، ساۋد ارابياسى ۇكىمەتى ليۆانداعى ازاماتتارىن سول ەلدەن تەز ارادا شىعىپ كەتۋگە بۇيىردى. ۇزاق ۋاقىتقا سوزىلعان ساۋد ارابياسى مەن يران اراسىنداعى قاقتىعىس ليۆانداعى داعدارىستى كۇشەيتكەلى وتىرعانىن ەسكەرتۋدە. بۇل تۋرالى اقش-تىڭ تانىمال «WSJ» باسىلىمى حابارلادى.

ساۋد ارابياسىنىڭ سىرتقى ىستەر مينيسترلىگى Twitter-دە جاريالانعان مالىمدەمەسىندە  ليۆانداعى قازىرگى جاعدايدى ەسكەرە وتىرىپ، ءوز ازاماتتارىنىڭ ليۆاننان تەزىرەك كەتۋىن تالاپ ەتتى.

وسىدان ءبىر اپتاعا جەتەر-جەتپەس ۋاقىت بۇرىن، ليۆاننىڭ پرەمەر-ءمينيسترى سااد حاريري ساۋد ارابياسىنداعى قىزمەتىنەن كەتۋ تۋرالى مالىمدەمە جاساپ، يران مەن ونىڭ ليۆانداعى «قۋىرشاعى» – شيتتىك ساياسي جانە قارۋلى «حەزبوللا» توبى ايماقتا ىقپالىنىڭ ارتىپ وتىرعانىن ايتقان بولاتىن.

“The Qazaq Times”