Tramp Beyjiñniñ tarihi orındarın aralauda. Foto: Reuters.

Amerika Qwrama Ştatınıñ prezidenti Qıtay saparı kezinde jasağan mälimdemesinde, eki el arasındağı 310 mlrd dollarğa teñ keletin sauda tapşılığınıñ barlıq jauapkerşiligi AQŞ-tıñ moynında ekenin aytıp ötti. AQŞ-Qıtay arasındağı sauda tapşılığın Qwrama Ştattıñ moynına aluı Qıtay üşin ülken jeñispen para-par.

BBC-diñ bergen habarında, osı jolğı kezdesude Tramptıñ Qıtayğa qaratqan poziciyası jwmsardı delingen. Al, AQŞ-tağı «The New York Times» basılımı «Tramp Soltüstik Koreya mäselesi men sauda ıntımaqtastığın qalay şeşpek?» attı maqalada da Tramptıñ äueldegi Qıtayğa qaratqan poziciyasınıñ özgergenin aytıptı. Osığan deyin Tramp ükimeti Qıtaydı ädiletsiz sauda jasap keledi dep ayıptağan bolatın.

Tramptıñ Beyjiñ saparınıñ ekinşi küni Tyan-anmın alañınıñ batısına ornalasqan «Halıq sarayı» aldında saltanattı qarsı alu wyımdastırılğan. Däl osı sarayda Tramp «Qıtay basşısın maqtay söylep, onı jergilikti halıq qoldaydı» degen pikirin bildirgen.

Tramp pen Şi Jinpiñ azıq-tülik, energetika, aviaciya salalarında birqatar mañızdı kelisimderge qol jetkizdi. Degenmen, Qıtay bank jäne tehnologiya tarmaqtarın AQŞ-qa wsına qoymadı. Tramp bolsa, AQŞ-ta bolğan sauda tapşılığınıñ basım böligi Qıtaymen bolğan sauda tapşılığınan kelip şığuın bwrınğı ükimetke arttı. Ol üşin Qıtaydıñ jauapkerşiligi joq dep taptı. Qıtayğa keluden bwrın Tramp AQŞ-tıñ sauda tapşılığına qaluı Qıtaydıñ ädiletsiz sauda jasauında dep kelgen edi. Tipti Qıtaydıñ bwl isi älemdik saudağa apat äkeledi dep tauıp, Düniejüzilik sauda wyımına şağım joldağan .

Tramptıñ Qıtay saparınan keyin onıñ äuelgi poziciyasınan aynıp ketui jaña sauda kelisimi men Soltüstik Koreya mäselesinde Qıtaydıñ mol järdemine ie bolu dep boljauğa boladı. Dese de, Trampqa Beyjiñ saparınıñ qay twsı mwnday şeşim qabıldatuğa ıqpal etkeni anıq emes.

“The Qazaq Times”