Foto: aljazeera.com

Bahreyn Katarmen arada äldeqaşan şeşimin tapqan territoriyalıq dauın qayta bastadı. Parsı şığanağı elderindegi dağdarıstı sıltauratqan Bahreyn Halıqaralıq Sottıñ 2001 jılğı Zubara qalası men Habar jäne Janan araldarına qatıstı şeşimine kelispeytinin endi ğana aytıp otır. Bwl turalı Äl-Jazira aqparattıq agenttigi jazdı. 

Bahreynniñ memlekettik aqparattıq agenttigi jariyalağan press-relizde: "Bahreynniñ özinen küşpen tartıp alınğan dünielerdi talasqa saluğa jäne Katardıñ legitimdiligine qatıstı kümän tudıruğa tolıq qwqığı bar", - delingen. Osıdan bwrın Katarmen qarım-qatınasın üzgen özge arab elderiniñ qatarındağı Bahreyn Parsı şığanağı elderiniñ jiınına Doha ökilderi barsa, öziniñ qatısudan bas tartatının habarlağan bolatın.

Bahreyn men Katar arasındağı Zubara qalası men Habar jäne Janan araldarına qatıstı territoriyalıq dau 1900 jıldardan beri bar. 1991 jılı Katar şeşimin tappağan mäseleni Halıqaralıq Sottıñ qarauına berdi. 2001 jılı Halıqaralıq Sot Bahreynge Habar aralın, al Katarğa Janan aralı men Zubara qalasın beru turalı ükim şığardı. Osılay 16 jıl bwrın nüktesi qoyılğan mäseleni qayta köterip otırğan Bahreyn "Biz tarihi qwqıqtarımızdıñ köbin Parsı şığanağı elderiniñ müddesine jığıp bergen ekenbiz", - dep mälimdedi.

“The Qazaq Times”