Foto: islamrb.ru

Aldağı jıldarı bükil älemdegi jas mwsılmandardıñ sayahatqa jwmsaytın qarjısı eki esege wlğayadı.  HalalTrip jäne Mastercard kompaniyalarınıñ birlesip jürgizgen zertteuleriniñ nätijesinde  Islam turizmi jaqın bolaşaqta 300 mlrd dollar payda äkeletini anıqtalğan. Bwl turalı APF aqparattıq agenttigi jazdı. 

Mwsılmandardıñ turist atanuınıñ jiileui Halal industriyasınıñ kürt damuına äkeledi. Sonımen aldağı uaqıtta halal standarttarına say qızmet körsetetin meyramhana, qonaq üyler men dükenderdiñ sanı artuı mümkin.

Mwsılman janwyalar ädette otbasınıñ bükil müşelerimen jılına bir ret özge elde demalıs wyımdastıradı. Biraq soñğı kezderi 20-36 jas aralığındağı mwsılman jastar  bilim, ğılım izdep, jwmıs ne özge de qızığuşılıqtarı boyınşa şet elge jılına birneşe ret şığadı. Tabıs tabudı közdegen kompaniyalardıñ negizgi arqa süyeytin auditoriyası da - osılar.

2016 jılı turizmdegi islam dini ökilderiniñ segmenti 156 mlrd $  bolsa, onıñ 55 mlrd $  şığını - jastarğa tiesili. Sarapşı mamandar 2024 jılğa qaray bwl körsetkiş 100 mlrd dollarğa deyin artatının aytadı.

“The Qazaq Times”