Qıtay basşısı qwrıltaydıñ aşılu saltında söz söyleude. Foto: People.

Qıtay basşısı Şi Jinpiñ (Si Czin'pin)  biliktegi QKP qwrıltayınıñ aşılu saltanatındağı sözinde narıqtıñ şeşuşi rolin tağı bir ret qaytalap, ükimettiñ ekonomikalıq damudağı mindetin oydağıday atqaratının atap ötti. Ol jäne narıqtıq tetikti qwruğa nazar audaru kerektigin, al onıñ mikro-sub'ektivti dinamikalıq, makroekonomikalıq retteu jäne ekonomikalıq jüyeni baqılau bolıp tabılatının alğa tarttı.  Bwl turalı sol eldiñ «People» basılımınıñ onlayn qızmeti jazdı.

Qıtay jetekşi partiyasınıñ atalğan qwrıltayı kelesi bes jılda jäne odan tıs damudıñ negizgi sayasatınıñ josparın äzirleuge bağıttalıp otır. Bwl körşiles eldiñ aldağı sayasi-ekonomikalıq qadamdarın aldın ala boljauğa ülken mümkindik beredi. Qıtay qwrıltayında talqılanğan, şeşim tapqan barlıq taqırıptar aldağı uaqıtta sol eldiñ attap basqan är qadamınan körinip otıradı. Olay bolsa Qıtay basşısı öziniñ bayandamasında nelerdi ortağa saldı?

Eñ äueli ekonomikalıq damudıñ ükimetke bastı mindet ekenin aytqan Şi Jinpiñ, makro-baqılaudı jaqsartu üşin, wlttıq damudı strategiyalıq josparın damıtudı basa däriptedi.

Ekinşiden, qwrılımdıq reformanıñ tereñdetuge uäde berdi. Jetkizudiñ qwrılımdıq reforması Qıtaydıñ qosalqı quatın, qarızdarın jäne twrğın üy qorın qısqartu josparın bildiredi.

Üşinşiden,  Şi Jinpiñ payızdıq stavkalardı jäne ayırbas bağamdarın narıqqa bağdarlanğan reformanı tereñdetuge, qızmet körsetu salasın sırtqı älemge keñeytuge uäde berdi.

Törtinşiden, ükimet memlekettik käsiporındardı reformalaydı, aralas menşik ekonomikasın damıtadı jäne memlekettik kapitaldı küşeytedi.

Besinşiden, Şi Jinpiñ joğarıdağı aytılğanday pärmendi damu josparları arqılı, XXI ğasırdıñ ortasında Qıtaylıq erekşelikke ie socialistik el qwrıp şığıp, älemniñ Qıtayğa qaratqan közqarasın özgertemiz dedi. Bwnısı biregey wlttıq damudıñ tıñ jobasın tüzuge ükimetke pärmen tüsirgenimen birdey.

Ayta keteyik, körşi eldiñ dübirli jiını 24 qazanğa deyin jalğasadı. Qwrıltay soñında ğana Şi Jinpiñniñ ökiletti merzimi jalğasa ma, joq pa degen swraqtıñ jauabı tabıladı.

“The Qazaq Times”