Üş eldiñ sauda ökilderi birlesken mälimdeme jasadı. Foto: WSJ.

AQŞ, Kanada jäne Meksikanıñ joğarı lauazımdılarınıñ aytuınşa, Soltüstik Amerika Erkin sauda kelisimi turalı kelissözderde taraptardıñ pikir ayırmaşılığı köptep kezdesude. Sondıqtanda jıl soñına deyin kelissözder ayaqtalmaytının aytadı. Bwl turalı “WSJ” basılımınıñ resmi saytı jazdı.

AQŞ sauda ökili Robert Littizer seysenbide Uaşingtonda birlesken mälimdeme jasap, osı aydıñ basında bastalğan kelissözderdiñ kelesi raundı 17 qaraşada Meksikada jalğasatının habarladı. Al, Rayt Heys öz mälimdemesinde: «AQŞ, Kanada jäne Meksika arasındağı kelissözder 2018 jıldıñ birinşi toqsanına deyin jalğasadı dep kütilude», – dedi. Bastapqıda üş eldiñ lauazımdı ökilderi kelissöz jıl soñına deyin ayaqtaladı degen edi.

Soltüstik Amerika Erkin sauda kelisimi osığan deyin atalğan aymaqtağı üş eldiñ arasında köp jılğa deyin twraqtı küyin saqtap kelgen. AQŞ prezident tağına Tramp kelgennen keyin Nafta kelisimine qaytalay kelissözder jürgize bastadı. Tramp ükimeti barlıq ortaq kelisimderden bas tartuğa da niet etken. AQŞ-tıñ bwrınğı ükimeti qol qoyğan birneşe halıqaralıq kelisimderden bas tartqan bolatın.

Tramptıñ oyınşa köpjaqtı kelisimderden köri, ekijaqtı kelisimder jasau «Amerika birinşi» wranı men amerikalıqtardıñ müddesine barınşa say keletin körinedi. Qazirgi üş el arasındağı kelissözderdiñ wzaqqa sozıluı da Tramp ükimetiniñ talap şarttarınıñ köbeye tüsuinde dep qarauğa boladı.

“The Qazaq Times”