Foto: AP

Iraktağı Kürdistan avtonomiyası Kirkuk aymağına mıñdağan äskerlerdi ornalastırıp jatır. Saqaday-say dayındıqpen, tolıq qarulanğan äskerler Irak äskeriniñ mwnaylı audandardı tartıp  aluğa şabuıl jasau qaupi tuınday qalsa, territoriyanı qorğap qalu maqsatında qoyılğan. Bwl turalı Äl-Jazira aqparattıq agenttigi jazdı. 

AP aqparattıq qızmetiniñ habarlauınşa, Kirkuk aymağındağı äskerdiñ jalpı sanı 6 mıñğa juıqtaydı. Masud Barzani jauıngerlerge: "Bizdiñ tarapımızdan eşqanday eskalaciya bolmauı kerek. Biz tek şabuıl jasalğan jağdayda ğana özimizdi qorğauğa äreket etemiz" dep beybitşilikti saqtau mañızdılığın eskertti.

Osı twsta 25 qırküyekte Täuelsizdik üşin referendum ötkizgen Kürdistanğa degen Ortalıq Ükimettiñ qısımı artıp otırğanın atap ötken jön. Bağdad pen Kürdistan arasında Kirkuk qalası jäne özge de mwnaylı audandarğa qatıstı daulardıñ bar ekenin eskersek, qazir tabiği baylığı basım aymaqtı är tarap öz qol astına aluğa müddeli. Soñğı kezderi Iraktağı mwnaydıñ köp böligi oñtüstikte öndirilip jürgenine qaramastan, soltüstiktegi Kirkuk qorınıñ strategiyalıq mañızı zor. Kürdistan avtonomiyası atalğan qalanı 2014 jılı "Islam memleketi" lañkestik wyımınan azat etkennen keyin qolına alğan bolatın.

“The Qazaq Times”