Foto: Otırar TV

Şımkent äkimdigi  "3-Energoortalıq" AQ-ğa memlekettik akciyalarınıñ 18 payızın sattı.

Şımkent äkiminiñ orınbasarı Beysenbek Janbosınovtıñ aytuınşa, qala äkimdigi qarız köp bolğandıqtan osınday qadamğa barğan. Öytkeni halıqqa jılu jetkizetin jäne jılu tölemin jinaumen aynalısatın "Quat jılu ortalıq-33"  attı kommunaldıq käsipornı Jılu elektr stanciyası-3-ke 1,5 mlrd teñge qarız bolğan.

"Mäsele memlekettik akciyalardı satu boyınşa şeşildi. Akciyalardıñ 18%-ı "Z-Energoortalıq" AQ baqılau paketine ie investorğa 1,8 mlrd teñgege satıldı (investor ülesi - 76%). Bwdan bwrın JES akciyalarındağı memlekettik menşik 24%-dı qwrağan", - dedi Beysenbek Janbosınov.

Onıñ sözinşe, qarız soması tek biılğı jılı ğana ösip otırğan joq. Ötken jılğı jılu mausımı kezinde JES-3 aldındağı qarız 987 mln teñge bolğan.

"Jılu energiyası öndirilip jatır, alayda apat saldarınan twtınuşını qajetti jılumen qamtamasız etu mümkin bolmaydı. Bwl qarızdıñ köbeyuine sebep. Qırküyektiñ 25-inde tañerteñ tölem jasaldı, endi keşke qarjı "QazTransGaz" AQ esepşotına tüsedi dep senemiz. 1 qazannan bastap biz JES-ti aşudı josparlap otırmız", - dedi äkim orınbasarı.

JES-3 Şımkenttegi eñ iri jılu jetkizuşi stanciya. Osı jıldıñ 1 säuirinde "QazTransGaz-Aymaq" AQ aldındağı qarızın ötey almağandıqtan käsiporındağı gaz öşirilgen bolatın.

"Qarız mäselesi jılumen qamtamasız etetin jäne onı öndiretin käsiporındar arasındağı, yağni JES-3 pen bizdiñ jılu jelilerdiñ arasındağı tarifter rettelmegendikten tuındağan bolatın. Endi tarifter retteldi, şığın bolmaydı. Kelesi mausımda mwnday jağday bolmaydı. Halıq üşin tarifter sol küyinde qaladı", - degen edi qalalıq twrğın üy kommunaldıq şaruaşılığı böliminiñ basşısı Nwrlan Bektwrsınov.

“The Qazaq Times”