Tramp BWW-da söz söyleude. Foto: The Wall Street Journal.

AQŞ prezidenti Donal'd Tramp seysenbi küni BWW Bas Assambleyasında söz söyledi. Ol sözinde KHDR-ğa aşıq ta qatañ eskertu joldadı. Eger AQŞ öziniñ jäne odaqtastarınıñ qauipsizdigin qorğauğa tura kelgen jağdayda, Pioñyañ (Phen'yan) rejimine auır qısım jasauı mümkin ekenin de aşıq ayttı. Tipti olay bolğan jağdayda Soltüstik Koreyanıñ tolığımen joyılıp ketui mümkin ekenin de eskertti. Bwl turalı «The Wall Street Journal» basılımı jazdı.

Tramp älem basşılarınıñ aldında, AQŞ-tıñ zor küş-quat pen şıdamdılıqqa ie ekenin ayta kelip, alayda, eger özderin nemese öziniñ odaqtastarın qorğauğa tura kelse, Qwrama Ştatta eşqanday tañdau qalmaydı – Soltüstik Koreyanı joyıp jiberedi dedi. Ol jäne Soltüstik Koreya ükimetin «jekswrın ükimet» dep, al Kim Joñ Undı (Kim Çen In/Kim Jong Un) «Zımıran adam» dep atağan. Bwl laqap attardı ol alğaş ret ötken aptanıñ soñında öziniñ Tvitter paraqşasında aytqan bolatın. Ol äleumettik jeli paraqşasında: «Zımıran adam» özin-özi orğa iterude, tipti ol özin ğana emes twtas Soltüstik Koreya rejiminiñ tağdırın qiındatuda», – degen edi.

AQŞ prezidenti osıdan keyin Irandı da sözben tüyrep äketti. Ol Irannıñ rejimin diktatorlıq rejim dep atadı jäne Irannıñ AQŞ bastatqan altı jaqpen 2015 jılı jasasqan yadrolıq qaru turalı kelisimin sınğa aldı. Tramptıñ aytuınşa, Irannıñ yadrolıq kelisimi Qwrama Ştattar qol jetkizgen eñ naşar jäne ädiletsiz kelisimderdiñ biri eken. Onıñ pikirinşe, bwl kelisim Amerika Qwrama Ştattarı üşin wyat bolıp sanaladı jäne ol bwl turalı soñğı ret endi auızğa da almaytının ayttı.

Delegattar Tramptıñ sözine basqaşa jauap berdi. Ol öziniñ «amerikalıq basımdıq» wstanımın söz etti jäne onı egemen memleketter arasındağı täuelsiz, ıntımaqtastıq modeli dep atadı. Amerikanıñ jaqın dosı sanalatın Izrail' Tramptıñ Iranğa qatıstı wstanımın joğarı bağalaytının jetkizdi. Izmir prem'er-ministri Tramptan keyin mälimdeme jasağanda, 30 jıldan beri BWW jinalısına qatısıp kele jatsa da, mwnday batıl da, anıq poziciyanı alğaş ret kezdestirip otırğanın ayttı.

Alayda, Tramp jäne Netan'yahudıñ (Izrail' prem'eri) Irannıñ 2015 jılğı yadrolıq kelisimi turalı pikirlerine özge älem basşıları kelisim bermedi. Al, keybir delegattardı Tramptıñ Soltüstik Koreyağa qarsı aytqan sözderi alañdattı.

“The Qazaq Times”