AQŞ-tıñ Kubadağı elşiligi. Foto: CNN.com.

AQŞ Memlekettik hatşısı Tillerson 17 qırküyek küni sözinde, AQŞ-tıñ Kubada twratın elşiligine şabuıl jasalğannan keyin, Qwrama Ştat tarabı tağı bir ret Kubanıñ elşiligin jauıp tastauı mümkin ekeni ayttı. Bwl turalı «Şinlañ» aqparattıq saytı jazdı.

Singapurdıñ keybir basılımdarınıñ bügingi bergen habarında, Tillersonıñ AVS arnasına beren swhbatına silteme jasay otırıp, AQŞ-tıñ Kubamen diplomatiyalıq qatınasın üzip tastauı mümkin ekenin rastağan. Tillerson sözinde: «Biz jağıdaydı alda bwrın tolıqtay saralap kördik. Bwl asa mañızdı äri sezimtal mäsele. Biz tağı elşilikke şabuıl jasalğan kezde jaralı bolğan diplomattarımızdı elge qaytarıp alıp keldik», – degen.

AQŞ-tıñ Kubanıñ ortalıq qalası Gavanada twratın bas elşiligine jasalğan şabuıldan kem degende 21 adam türli jaraqat alğan. Basım köbi estu qabiletinen ayırılğan. Şabuıl jasauşılar köz jasauratatın jäne qwlaq twndıratın granat paydalanğan degen söz derek bar. Bwdan sırt 5 kanadalıq diplomat pen olardıñ otbasındağılarğa da şabuıl jasağanı anıqtaldı. Bwl şabuıl jasau äreketteri osı aydıñ bas şeninen beri jalğasuda.

AQŞ jaq Kuba ükimetine habarlama joldap, bas elşiliktiñ amandığın qorğaudı küşeytuge wsınıs jasağan. Äri Kubadağı elşiligin jauıp tastauı mümkin ekenin bildirdi.

“The Qazaq Times”