Soltüstik Koreyanıñ eñ joğarı basşısı zımıran sınağın jalğastırmaq. Foto: Mirror.

Qarsılıqtar, sankciyalar men eskertulerge qaramastan Soltüstik Koreya öziniñ zımıran sınağın tabandı jalğastıruğa bel baylağanı bayqaladı. Sol eldiñ «Ortalıq-aqparat» agenttiginiñ habarına qarağanda, keşegi ötkizilgen zımıran sınağınan keyin, sol eldiñ eñ joğarı basşısı Kim Joñ Un (Kim Jong Un) habarlama jariyalap, KHDR ballistikalıq zımıran bağdarlamasınıñ strategiyalı wzaq merzimge jalğasın tabatının, «Mars-12» ballistikalıq zımırandarınıñ bwl jospardı joğarı deñgeyde orındauğa mümkindik beretinin aytqan. Bwl turalı «Şinlañ» aqparattıq saytı jazdı.

AQŞ-tıñ Tınıq Mwhit qolbasşılıq ştabınıñ komandiri taratqan habarğa qarağan, Kim Joñ Un bwl retki wşırılğan zımıranğa özi tikeley qadağalau jasağan, äri dayındıqtardı tügeldey közden keşirip bolğannan keyin, zımırandı wşıru bwyrığın bergen. Japoniya keñistiginen ötkizu arqılı Tınıq mwhitqa qwlatu aldın ala belgilengen jospar ekenin sol eldiñ resmi aqparat qwraldarı aytuda.

Qwrama Ştattıñ qarsılığına qaramastan Soltüstik Koreya öziniñ ballistikalıq zımıran jäne yadrolıq bağdarlamaların tabandı jalğastıratının anıq añğarttı. Tipti, Kim Joñ Un ükimeti zımıran sınaqtarın jalğastıruğa tabandı bolamız dep mälimet taratıp otır. Bwl qalıptasqan jağday, aldağı uaqıttağı Soltüstik Koreya tolassız teke-tiresin anıq añğartadı.

“The Qazaq Times”