سولتۇستىك كورەيا قارسىلىقتارعا قاراماستان زىمىران باعدارلاماسىن جالعاستىرادى

قارسىلىقتار، سانكتسيالار مەن ەسكەرتۋلەرگە قاراماستان سولتۇستىك كورەيا ءوزىنىڭ زىمىران سىناعىن تاباندى جالعاستىرۋعا بەل بايلاعانى بايقالادى. سول ەلدىڭ «ورتالىق-اقپارات» اگەنتتىگىنىڭ حابارىنا قاراعاندا، كەشەگى وتكىزىلگەن زىمىران سىناعىنان كەيىن، سول ەلدىڭ ەڭ جوعارى باسشىسى كيم جوڭ ۋن (Kim Jong Un) حابارلاما جاريالاپ، كحدر بالليستيكالىق زىمىران باعدارلاماسىنىڭ ستراتەگيالى ۇزاق مەرزىمگە جالعاسىن تاباتىنىن، «مارس-12» بالليستيكالىق زىمىراندارىنىڭ بۇل جوسپاردى جوعارى دەڭگەيدە ورىنداۋعا مۇمكىندىك بەرەتىنىن ايتقان. بۇل تۋرالى «شينلاڭ» اقپاراتتىق سايتى جازدى.

اقش-تىڭ تىنىق مۇحيت قولباسشىلىق شتابىنىڭ كومانديرى تاراتقان حابارعا قاراعان، كيم جوڭ ۋن بۇل رەتكى ۇشىرىلعان زىمىرانعا ءوزى تىكەلەي قاداعالاۋ جاساعان، ءارى دايىندىقتاردى تۇگەلدەي كوزدەن كەشىرىپ بولعاننان كەيىن، زىمىراندى ۇشىرۋ بۇيرىعىن بەرگەن. جاپونيا كەڭىستىگىنەن وتكىزۋ ارقىلى تىنىق مۇحيتقا قۇلاتۋ الدىن الا بەلگىلەنگەن جوسپار ەكەنىن سول ەلدىڭ رەسمي اقپارات قۇرالدارى ايتۋدا.

قۇراما شتاتتىڭ قارسىلىعىنا قاراماستان سولتۇستىك كورەيا ءوزىنىڭ بالليستيكالىق زىمىران جانە يادرولىق باعدارلامالارىن تاباندى جالعاستىراتىنىن انىق اڭعارتتى. ءتىپتى، كيم جوڭ ۋن ۇكىمەتى زىمىران سىناقتارىن جالعاستىرۋعا تاباندى بولامىز دەپ مالىمەت تاراتىپ وتىر. بۇل قالىپتاسقان جاعداي، الداعى ۋاقىتتاعى سولتۇستىك كورەيا تولاسسىز تەكە-تىرەسىن انىق اڭعارتادى.

“The Qazaq Times”