Tramp jäne onıñ küyeu balası Jared Kuşner. Foto: The Wall Street Journal.

AQŞ aqparat közderiniñ habarlauınşa, AQŞ prezidenti Donal'd Tramptıñ keybir zañgerleri onıñ küyeu balası Jared Kuşnerdiñ otstavkağa ketuin talap etken. Zañgerler Aq üyde bolğan «Reseymen astasu» mäselesin tergeu» isin eskere otırıp, qwqıqtıq mäseleler tuındauı mümkin dep qaraydı. Bwl turalı «The Wall Street Journal» basılımı habarlap otır.

Tramptıñ qwqıq qorğauşıların alañdatıp otırğan mäseleniñ biri Kuşner men Tramp arasındağı asa jaqın äri qwpiya baylanıstıñ bar ekendigi. Bwl advokattardıñ keybiri federaldı tergeuşiler men birneşe Kongresstiñ baqılauşı toptarımen swhbattasuda. Kuşner Tramptıñ küyeu balası äri senimdi adamı retinde reseylik twlğalarmen jasırın kezdesu isi, Tramptıñ özine tikeley keri äserin tigizui mümkin. Bwl ärine prezidenttiñ jekelegen qwqıq qorğauşılarına qiındıq tuğızadı.

Mwndağı tağı bir mäsele, Kuşner qauipsizdikti tekseru nısanın tapsırğan kezde «şeteldik twlğalarmen jasırın kezdesu isin» bastapqıda moyındamağan. Al keyingi tergeulerde bwl kezdesuler turalı rastap bergen. Osınıñ özi Aq üydiñ joğarı keñesşisi Kuşner men onıñ qayın atası bolğan prezidenttiñ senimdiligine nwqsan keltirip twr.

Federaldıq barlau basqarması Kuşnerdiñ sarı izine şöp salğan twsta, Tramp özi aralasa otırıp, ekinşi ret tergeu kezinde Kuşnerdiñ ayıbın jeñildetken bolatın. Biraq, prezidenttiñ de qauqarı tolıq jete bermeytin Kongress pen Federaldıq sot jäne eki birdey barlau basqarması Kuşnerge şüyliger bolsa, qwqıqtıq mäseleler negizinde Tramptıñ özine de qater töndiredi. Sondıqtan, Tramptıñ jeke qwqıq qorğauşıları prezidenttiñ küyeu balasın otstavkağa ketuin talap etti.

“The Qazaq Times”