قۇقىق قورعاۋشىلار ترامپتان كۇيەۋ بالاسىن وتستاۆكاعا كەتۋىن تالاپ ەتتى

اقش اقپارات كوزدەرىنىڭ حابارلاۋىنشا، اقش پرەزيدەنتى دونالد ترامپتىڭ كەيبىر زاڭگەرلەرى ونىڭ كۇيەۋ بالاسى جارەد كۋشنەردىڭ وتستاۆكاعا كەتۋىن تالاپ ەتكەن. زاڭگەرلەر اق ۇيدە بولعان «رەسەيمەن استاسۋ» ماسەلەسىن تەرگەۋ» ءىسىن ەسكەرە وتىرىپ، قۇقىقتىق ماسەلەلەر تۋىنداۋى مۇمكىن دەپ قارايدى. بۇل تۋرالى «The Wall Street Journal» باسىلىمى حابارلاپ وتىر.

ترامپتىڭ قۇقىق قورعاۋشىلارىن الاڭداتىپ وتىرعان ماسەلەنىڭ ءبىرى كۋشنەر مەن ترامپ اراسىنداعى اسا جاقىن ءارى قۇپيا بايلانىستىڭ بار ەكەندىگى. بۇل ادۆوكاتتاردىڭ كەيبىرى فەدەرالدى تەرگەۋشىلەر مەن بىرنەشە كونگرەسستىڭ باقىلاۋشى توپتارىمەن سۇحباتتاسۋدا. كۋشنەر ترامپتىڭ كۇيەۋ بالاسى ءارى سەنىمدى ادامى رەتىندە رەسەيلىك تۇلعالارمەن جاسىرىن كەزدەسۋ ءىسى، ترامپتىڭ وزىنە تىكەلەي كەرى اسەرىن تيگىزۋى مۇمكىن. بۇل ارينە پرەزيدەنتتىڭ جەكەلەگەن قۇقىق قورعاۋشىلارىنا قيىندىق تۋعىزادى.

مۇنداعى تاعى ءبىر ماسەلە، كۋشنەر قاۋىپسىزدىكتى تەكسەرۋ نىسانىن تاپسىرعان كەزدە «شەتەلدىك تۇلعالارمەن جاسىرىن كەزدەسۋ ءىسىن» باستاپقىدا مويىنداماعان. ال كەيىنگى تەرگەۋلەردە بۇل كەزدەسۋلەر تۋرالى راستاپ بەرگەن. وسىنىڭ ءوزى اق ءۇيدىڭ جوعارى كەڭەسشىسى كۋشنەر مەن ونىڭ قايىن اتاسى بولعان پرەزيدەنتتىڭ سەنىمدىلىگىنە نۇقسان كەلتىرىپ تۇر.

فەدەرالدىق بارلاۋ باسقارماسى كۋشنەردىڭ سارى ىزىنە ءشوپ سالعان تۇستا، ترامپ ءوزى ارالاسا وتىرىپ، ەكىنشى رەت تەرگەۋ كەزىندە كۋشنەردىڭ ايىبىن جەڭىلدەتكەن بولاتىن. بىراق، پرەزيدەنتتىڭ دە قاۋقارى تولىق جەتە بەرمەيتىن كونگرەسس پەن فەدەرالدىق سوت جانە ەكى بىردەي بارلاۋ باسقارماسى كۋشنەرگە شۇيلىگەر بولسا، قۇقىقتىق ماسەلەلەر نەگىزىندە ترامپتىڭ وزىنە دە قاتەر توندىرەدى. سوندىقتان، ترامپتىڭ جەكە قۇقىق قورعاۋشىلارى پرەزيدەنتتىڭ كۇيەۋ بالاسىن وتستاۆكاعا كەتۋىن تالاپ ەتتى.

“The Qazaq Times”