Irak ükimet armiyasınıñ äskerleri 25 tamız küni Mosul qalasına jaqın mañnan eki şoğırlı qabirlerdi tapqanın jariya etti. Bwl qabirlerden ekstremister sınaq üşin öltirgen 500-den astam adamnıñ mäyiti tabılğan. Bwl turalı «Şinlañ» aqparattıq saytı habarladı.

Iraktıñ Birlesken operaciyalıq qolbasşılığı jasağan mälimdemesinde, 25 tamızda ükimet äskerleri Mosuldıñ batıs mañınan bayqağan qabirlerde 470 adamnıñ bütin denesi men 30-dan asa bölşektelgen dene müşeleri tabılğan. Teksere kele bwl «Islam memleketi» sodırları öltirgen jäne täjiribe jasağan adamdarınıñ mäyitteri» dep anıqtalğan.

Mosul qalası - Iraktıñ ekinşi ülken qalası. Ortalıq qala Bağdattan 400 şaqırım qaşıqtıqqa ornalasqan. Onda Iraqtağı ekinşi ülken türme sanalatın Bedz türmesi ornalasqan. 2014 jılı mausım ayında Mosul qalası «Islam memleketi» lañkestik wyımı jağınan basıp alındı. Sodan bastap bwl qala Iraktağı atalğan terrorlıq wyımnıñ bas-ştab päterine aynaldı. 2016 jıldıñ qazan ayınan bastap Irak ükimeti AQŞ äue küşteriniñ qoldauına süyene otırıp, Mosuldı qaytarıp alu şayqasın bastadı. Biılğı jıldıñ 10 şildesi küni Irak prem'er-ministri äl-Abadi Mosuldıñ azat bolğanın resmi türde jariya etti.

“The Qazaq Times”