Reseydiñ TU-95MS wşaqtarı. Foto: Pinterest.

Qıtay men Koreya aqparat qwraldarınıñ habarına qarağanda, Resey bir uaqıtta AQŞ-tıñ Şığıs Europadağı jäne Soltüstik Şığıs Aziyadağı jaqtastarına arnaulı «konkurs» jürgizip otır eken. Resey Qorğanıs ministrligi 24 tamız küngi habarında: «Japoniya men Oñtüstik Koreyanıñ jauıngerlik tötenşe jağdayına jauap qaytaru maqsatında, Reseylik yadrolıq strategiyalıq bombalauşı wşaq Tınıq mwhit suları boyınşa missiyalardı jüzege asıradı» - delingen. Sonımen bir uaqıtta Resey kelesi ayda josparlanğan «Batıs 17» äskeri jattığuğa dayındaluda. Bwl turalı Qıtaydıñ «Şinlañ» aqparattıq agenttigi jazğan bolatın.

Resey Qorğanıs ministrliginiñ 24 tamızdağı habarlamasında, Reseydiñ TU-95MS bombardiri, Su-35S jauıngerlik wşağı jäne A-50 qauiptiñ aldın-alu wşaqtarı Tınıq mwhitınıñ beytarap sularına attandırıladı. Degenmen, reseylik tarap qanşa äue kemesiniñ atalğan operaciyağa tartılğanın, tapsırmanıñ uaqıtı men ornı turalı anıqtap aytıp otırğan joq.

Resey jağdayına qarağanda, TU-95MS strategiyalıq bombalauşı wşağın iske qosu degenimiz beyjay qarauğa bolmaytın äskeri äreket. Onıñ bwl äskeri tehnikası keñistigine tayap ketken eldiñ wyqısı qaşuı kerek.

Korey tübegindegi bolıp ötken Amerika Qwrama Ştattarı men Oñtüstik Koreya birlesken «Erkin qorğanıs» äskeri jattığuı öñirde ülken dümpu tudırdı. Degenmen mınanı da eskeru kerek, Resey jaqtıñ qazirgi kiriskeli otırğan äskeri äreketi de şielenisti auırlata tüspese jeñildetpeydi. AQŞ pen Resey eki maydanda da bir birine jol bergisi kelmeydi.

Bwdan sırt, 4 jılda bir ret ötetin «Batıs» äskeri jattığuı, Resey men Belorussiya arasında, kelesi aydıñ 14-20 aralığında bolmaq. Mäskeudiñ taratqan mälimetine sensek, bwl jäy ğana äskeri jattığu, ol jäne AQŞ-tıñ Reseyge qaratqan sankciyasımen eş qatısı joq eken.

Osımen bir uaqıtta, yağni qırküyek ayında Çehiyada «Ülken steyk» jattığuı ötedi. NATO-nıñ osı turalı habarında, 8 memleketten 30-dan astam wşaq qatıstırıladı. Tikwşaqtar men wşqışsız wşaqtar da tartıladı. Osı aydıñ 28-inen bastap qırküyekke deyin oqtar jii atılıp, äue men jerde äskeri tehnikalar Reseydiñ şığıs-batısında sabılısqalı twr.

AQŞ pen Reseydiñ bir-birine äskeri aybar şegui bwnımen şektelmeydi. Birer kün bwrın ğana B-1 jäne B-52 bombalauşı wşaqtarı Wlıbritaniyağa wşıp bardı. Olar ağılşın aralında ayaldap, soñında Slovakiya men Pol'şağa wşatın boladı. Bwl da Çehiyadağı äskeri jattığuğa bara jatqanı anıq.

“The Qazaq Times”