Foto: tourprom.ru

Franciyanıñ Parij qalasına jäne qalanıñ şetki öñirlerine kelgen turisterdiñ sanı soñğı on jıldağı eñ joğarğı körsetkişke jetip, 16,4 mln adamdı qwrağan. Bwl turalı Il'-de-Frans turizm komiteti habarladı, dep jazdı  RNS.

2016 jıldıñ birinşi jartı jıldığımen salıstırğanda kelgen turisterdiñ sanı 10 payızğa köbeygen. Al sırttan kelgenderdiñ körsetkişi 14,9 payızğa, işki turisterdiki 6,4 payızğa köbeygen. Parijge baruğa qızığuşılıq tanıtatındardıñ köpşiligi amerikalıqtar (1,14 mln adam) men britandıqtar (908 mıñ adam).

Parij qonaqüylerindegi twrudıñ ortaşa bağası ekonomklass boyınşa 87 euronı jäne premium boyınşa 228 euronı qwrağan. Al qala şetindegi bağalar 64 jäne 168 euro şamasında.

Sonday-aq, Parijden tıs aymaqta eñ körnekti turistik orın Versal' bolğan.

Ayta keteyik, Parijge kelgen turisterdiñ sanı Qazaqstan halqınıñ sanına teñ deuge boladı. Al Qazaqstannıñ mwnday körsetkişke jetip, turizmniñ ekonomika körsetkişi boluı üşin şirek ğasır kerek şığar.

“The Qazaq Times”