AQŞ-Oñtüstik Koreya birlesken oqu jattığuı. Foto: We Are Change.

Soltüstik Koreya Qorğanıs küşteri 22 tamız küni mälimdeme jasap, AQŞ pen Oñtüstik Koreyanıñ birlesken äskeri jattığuı, Korey tübeginiñ şielenisin küşeytu üşin jasalıp otırğan arandatuşılıq äreketi dep ayıptadı. Bwl turalı «Şinhua» agenttigine silteme jasay otırıp qıtaylıq «Şinlañ» aqparattıq saytı habarladı.

Soltüstik Koreya mälimdemesinde "äskeri jattığudıñ keltirgen zardaptarına AQŞ qarulı küşteri tolıqtay jauapker boluı kerek" delingen. KHDR Halıq armiyasınıñ ökilderi bergen mälimetterge qarğanda, Amerika Qwrama Ştattarı men Oñtüstik Koreyanıñ birlesken äskeri  jattığularına 17 mıñ 500-den astam amerikalıq, 50 mıñnan astam koreyalıq äsker qatısqan. Oqu-jattığuğa AQŞ-tıñ Tınıq mwhit äskeri bazasındağı qaru-jaraqtar tartılğan. Soltüstik Koreyanıñ qorğanıs küşteriniñ mälimetine qarağanda, bwl äreketi Korey tübeginde soğıs atmosferasın qalıptastırğanmen birdey eken.

Korey tübeginiñ qazirgi jağdayında äskeri şielenister kürt artıp ketui bek mümkin. Tübektegi osı ülken küşterdiñ naqtı operaciyalarğa birden ötip ketpeuine eşkim de kepildik bere almaydı. Soltüstik Koreya mälimdemeşisi sözinde: «İrgedegi mwnday küşti äskeri qimıldı elemey qoyu mümkin emes. Qwrama Ştattar men Oñtüstik Koreya äskeri jattığuları jıl sayın qorğanıstıq sipatta ekenin aytadı. Sonımen birge «5015 jauıngerlik josparına» negizdelgen, «Şabuıldan qorğanu» jäne «jasırın jauıngerlik» jattığularğa nazar audaru qatarlıları bar. Eñ bastısı olar Soltüstik Koreyanıñ ballistikalıq zımırandarına qarsı qorğanu jattığularımen aynalısuda. Al jattığudan keyin, AQŞ Senatınıñ Törağası, AQŞ-tıñ Tınıq mwhitı komandiri jäne AQŞ-tıñ basqa äskeri basşıları Koreyağa baradı. Mine osılardıñ bäri Korey tübegi mäselesin auırlata tüsedi», – dedi.

Pioñyañ (Phen'yan) jaqtıñ aytuınşa, Soltüstik Koreya äskerleri AQŞ pen Oñtüstik Koreyanıñ är qadamına erekşe nazar audaradı. Sebebi, Bwl KHDR-nıñ qauipsizdigine tikeley qaterli äreketter. Soltüstik Koreya "äskeri äreketke şeşim qabıldamas üşin AQŞ Korey tübegindegi äskeri barlıq qadamdarın toqtatuı kerek" dep qaraydı.

“The Qazaqq Times”