Oñtüstik Koreya prezidenti Mün Ja-in. Foto: Sputnik International.

Oñtüstik Koreya prezidenti Mün Ja-Inniñ (Moon Jae-in) taqqa otırğanına 100 kün toldı. Oñtüstik Koreyanıñ ortalıq telearnası SBS-nıñ habarlauına qarağanda, Mün Ja-In prezident ğimaratında jurnalisterdi qabıldağan. Korey tübeginiñ aldağı tağdırına alañdağan jurnalisterdiñ köñilin Oñtüstik Koreya prezidenti: «Korey tübegindegi jağday eşqaşan soğısqa wlaspaydı», – degen kesimdi jauabımen ornıqtırğan.

Prezident Mün Ja-In sözinde: «Oñtüstik Koreyanıñ bir niet, bir tilekte küş jwmıldıru wstanımı, Korey tübegi dağdarısınıñ soğısqa wlaspauınıñ negizgi kepili. Biz soğıs tudırmauğa tırısamız. Eger tağı bir märte soğıs tuatın bolsa barlığı külge aynaladı. Korey tübeginiñ äskeri is-qimılına tek Oñtüstik Koreya şeşim qabılday aladı. Eger Oñtüstik Koreya kelispese, basqa eşbir tarap Korey tübeginde soğıs bastamaydı», – dedi.

Aymaqtağı elder ğana emes, älem elderi de Korey tübeginde tuuı mümkin yadrolıq soğısqa alañdap kelgen. Degenmen, qazirgi är taraptıñ qadamdarı bwl qauiptiñ auılın birşama alıstattı. Oñtüstik Koreya prezidentiniñ bwl sözi tübektegi halıqtardıñ köñiline medeu bolsa kerek. Ol halıqtıñ alañsız, tınış tirşilik etuine bolatının ayttı. Äri özderiniñ koreylerdiñ tağdırına qauip tudıratın bwl qadamğa barmaytının atap ötti.

“The Qazaq Times”