Foto: InoSMI

Wlıbritaniya Europalıq odaqtan şıqqan jağdayda öziniñ mindettemelerin orındau üşin 36 mlrd funt sterling (40 mlrd euro nemese 47 mlrd dollar) töleuge dayın. Bwl turalı eldegi derekközderge silteme jasap, Sunday Telegraph agenttigi habarlap otır. 

RNS agenttiginiñ mälimetinşe, Bryussel' Wlıbritaniya orındauı tiis mindettemelerdi 60 mlrd euroğa bağalağan. Al britan biligi bolsa 30 mlrd euro kölemindegi qarjı tölenui tiis dep esepteydi.

Jergilikti şeneunikterdiñ sözinşe, atalğan somanı töleu turalı wsınıs kelissöz procesindegi tığırıqtan şığudıñ jalğız jolı. Onıñ üstine Bryussel' sauda notaların qosa alğanda"Brexit esebin" aldağı kelisimderdiñ bir böligi dep tanitın bolsa ğana Wlıbritaniya 36 mlrd funt sterlingti töleydi.

Ayta keteyik, Wlıbritaniyanıñ Europalıq odaqtan şığu turalı şeşimi 2016 jıldıñ 23 mausımında elde ötken referendum kezinde qabıldanğan. Al osı jıldıñ 28 naurızında Wlıbritaniyanıñ prem'er-ministri Tereza Mey  Brexit proceduralarınıñ iske qosılğanı jöninde EO-ğa eskertu hatına qol qoyğan. Şarttar boyınşa kelissözder 2 jılğa sozıladı.

“The Qazaq Times”